Shumë vende të botës kanë zgjedhur izolimin si mënyrë më të mirë për frenimin e përhapjes së koronavirusit të ri, disa shpresojnë se një zgjidhje tjetër për këtë situatë mund të jenë edhe testet e antitrupave.
Testet serologjike, nuk kanë për qëllim të diagnostikojnë infeksionin aktiv të koronavirusit, por ato përmes kampioneve të gjakut kontrollojnë proteinat në sistemin imunitar, të njohura si antitrupa.
Prania e tyre nënkupton se një person ka qenë i ekspozuar ndaj virusit, e ka kaluar dhe ka zhvilluar antitrupa kundër tij, çka mund të kuptohet ndryshe se ai ka krijuar njëfarë imuniteti. Këto teste mund të diagnostikojnë infeksionet përmes një kampioni që më pas testohet për material gjenetik viral.
Në Shtetet e Bashkuara, siç shpjegoi drejtori i Institutit Kombëtar të Alergjisë dhe Sëmundjeve Infektive, Anthony Fauci, po punohet për të vënë në dispozicion edhe një numër të rëndësishëm testesh të antitrupave. Aktualisht, Administrata e Ushqimit dhe e Barnave të SHBA-së nuk ka aprovuar asnjë test antitrupi për koronavirusin, por për një test të bërë nga Cellex Inc. është dhënë autorizim për përdorim urgjent. Prania e antitrupave mund të ndihmojë në identifikimin e atyre që janë infektuar, por nuk e kanë kuptuar asnjëherë se e kishin sëmundjen. Edhe pse nuk dihet me siguri sesa mund të zgjasë imuniteti I krijuar ndaj Covid 19, disa ekspertë që I referohen rasteve të mëparshme me koronavirusin Mers, thonë se ai mund të shkojë nga 10 muaj deri në një vit.