Një video e frikshme po qarkullon me shpejtësi në rrjetet sociale. Sky News publikoi një regjistrim të një bisede me kryebashkiakun e Pepinsterit në Belgjikë që u ndërpre kur njëra prej shtëpive filloi të shembet për shkak të përmbytjes. Pamjet tregojnë qiramarrësit që ikin mbi çati.
Në Pepinster, një qytet në Belgjikën lindore, qindra shtëpi u shembën pasi lumi Vesdre përmbyti qytetin. Më shumë se një mijë shtëpi u evakuuan.
Njerëzit që jetojnë pranë lumit Meuse në Liege, një qytet me 200 mijë banorë u është kërkuar që të lëvizin në zonat që nuk rrezikojnë të përmbyten, dhe trafiku detar është pezulluar për shkak të rrezikut të tejmbushjes së lumit
Shirat e dendura, për të cilët ekspertët thonë se janë të paprecedentë, janë përhapur në Francë, Luksemburg dhe Holandë dhe pjesë të Zvicrës janë në gatishmëri.
Të paktën 120 njerëz kanë vdekur në përmbytjet, dhe qindra njerëz janë ende duke u kërkuar. Në Gjermani, ku të paktën 100 njerëz kanë humbur jetën, Kancelarja Angela Merkel ka bërë thirrje për një luftë të vendosur kundër ndryshimit të klimës.
This is the moment an interview with the mayor of Pepinster in Belgium was interrupted by the sight of a flooded building collapsing and people escaping on the roof.
— Sky News (@SkyNews) July 16, 2021
Latest here: https://t.co/UIeH5RN2qL pic.twitter.com/EgN1CNAe7r