Ndërmarrja japoneze Kasoku po u ofron çifteve të martuara, njësi të ndara afatshkurtra, si një mënyrë për t’i lënë ata të kalojnë kohë ndaras, nëse martesa e tyre po kalon nëpër një fazë të keqe.
Një zëdhënës për Kasoku i tha Japan Times se qëllimi i iniciativës është “të shmangë divorcin”.
“Shpresojmë që çiftet së pari të distancohen dhe të mendojnë për (martesën e tyre). Nga ana jonë, ne do të sigurojmë dhoma në të cilat ata mund të jetojnë dhe një mjedis për telekomunikim”, shtoi ai.
Koncepti i një “divorci corona” ka fituar tërheqje në mediat sociale javët e fundit, një zhvillim që thuhet të ketë frymëzuar vendimin e kompanisë.
Në të paktën dy qytete brenda Kinës fqinje – Xian, në Kinën qendrore dhe Dazhou, në provincën Sichuan – normat e divorcit mendohet se kanë arritur nivele rekord gjatë fillimit të marsit, sipas një raporti të Bloomberg muajin e kaluar.
Sigurisht, kjo sugjeron një lidhje të mundshme midis pakënaqësisë martesore dhe bllokimeve të coronavirusit.
Por ka edhe një shpjegim të mundshëm më pak shqetësues për nxitjen e dukshme të shkurorëzimeve – zyrat përgjegjëse për trajtimin e kërkesave të divorcit u përmbytën me kërkesa të vonuara të divorcit pasi u rihapen, pasi fillimisht ishin mbyllur gjatë fazës së masave të bllokimit.