Pamje shqetësuese nga protesta e studentëve në Tiranë, ku një protestues me flamurin shqiptar mbi shpatulla raportohet se është tërhequr zvarrë dhe goditur gjatë ndërhyrjes policore pranë zonës së “Kafes Flora”. Prania e personave me veshje civile gjatë ndërhyrjeve ngre pyetje serioze mbi identitetin, autorizimin dhe përgjegjësinë e tyre ligjore. Kush janë personat që ndërhyjnë ndaj qytetarëve pa uniformë? A janë efektivë të Policisë së Shtetit apo individë të tjerë? Kush i ka autorizuar dhe kush mban përgjegjësi për veprimet e tyre? Ndërsa ministri i Brendshëm Ervin Demo bën thirrje për uljen e tensioneve, mbeten pa përgjigje pyetjet mbi përdorimin e forcës dhe identifikimin e personave të përfshirë. Qytetarët kanë të drejtë të mbrohen nga çdo agresion i paligjshëm, të dokumentojnë dhunën dhe të kërkojnë identifikimin e kujtdo që ushtron autoritet ndaj tyre. Uniforma nuk është leje për dhunë dhe mungesa e saj nuk mund të shërbejë si mburojë për pandëshkueshmërinë.

Pas publikimit të pamjeve ku shfaqet një 19-vjeçar i dëmtuar në këmbë pranë Parlamentit, Policia e Shtetit njoftoi pezullimin e katër efektivëve dhe të shefit të Rendit në Komisariatin Nr. 1, ndërsa AMP dhe Prokuroria kanë nisur hetimet.

Pamjet tregojnë hyrjen e protestuesve në një institucion financiar në kryeqytet, thyerjen e xhamave dhe dëmtimet në ambientet e brendshme, ndërsa një i ri shihet duke tentuar të marrë një bankomat.

Tensione të reja janë shënuar në protestën e studentëve në zonën e Rrugës së Durrësit, ku sipas versionit zyrtar policia përdori gazlotsjellës për shpërndarjen e turmës, ndërsa protestuesit hodhën sende drejt efektivëve.

Marina Fara ka reaguar në Instagram me një mesazh mbështetës për Eli Farën, në kulmin e debatit pas publikimit të videove intime ku përmendet edhe Adi Hila.