Kompania zvicerane MABCO Constructions, aksionere mazhoritare me 98% të kapitalit në Vlora International Airport, ka dalë publikisht duke denoncuar atë që e cilëson si një skemë të organizuar për shpronësimin de facto dhe de jure të investitorit shumicë dhe bllokimin e paligjshëm të Aeroportit të Vlorës. Sipas MABCO-s, përmes vendimeve gjyqësore të marra në fshehtësi dhe në kundërshtim me parimet bazë të së drejtës tregtare, një aksioner minoritar me vetëm 2% të aksioneve ka marrë të drejtën për të paralizuar funksionimin e shoqërisë dhe vendimmarrjen e aksionerit që zotëron pothuajse të gjithë kapitalin. Kompania paralajmëron se ky ngërç artificial ka ndalur punimet në aeroport, përbën rrezik serioz për standardet teknike dhe sigurinë publike, dhe krijon një precedent të rrezikshëm për klimën e investimeve të huaja në Shqipëri, duke kërkuar ndërhyrje të menjëhershme nga institucionet e drejtësisë dhe autoritetet shtetërore e ndërkombëtare.

Përplasja mes Edi Ramës dhe Kyriakos Mitsotakis u rikthye në vëmendje pasi kryeministri grek, në një intervistë për Alpha TV, deklaroi se Ramës “shpeshherë i shpëtojnë gjëra që nuk do të duhej t’i thoshte”, duke e quajtur të papërshtatshëm komentin e tij dhe duke thënë se është më mirë të lihet pas. Reagimi vjen pas kritikave të forta të mediave greke ndaj Ramës, për deklaratën e bërë në një panel në Abu Dhabi ndaj gazetarit greko-amerikan John Defterios, ku Rama tha se grekët e sotëm nuk kanë monopol mbi filozofinë dhe nuk janë trashëgimtarë të drejtpërdrejtë të Platonit dhe Aristotelit. Një ditë më pas, Rama bëri prapakthehu, duke këmbëngulur se tonet e tij ishin “humor miqësor” dhe jo tendencioze, ndërsa shtoi se nuk ka asnjë dyshim se Platoni dhe Aristoteli janë filozofë grekë dhe se Greqia e Lashtë është shtrati i qytetërimit europian. Ai u përpoq të zbusë polemikën duke shprehur admirim për kulturën greke, ndjenja pozitive për Greqinë dhe respekt të veçantë për Mitsotakis, por debati la përshtypjen e një tjetër prapakthimi në raportet e tij me Athinën

Turqia po del hapur kundër çdo skenari të ndërhyrjes ushtarake ndaj Iranit. Ministri i Jashtëm turk, Hakan Fidan, deklaroi në Stamboll se Ankaraja nuk e mbështet përdorimin e forcës dhe kërkon që Teherani t’i zgjidhë problemet e tij të brendshme vetë, ndërsa çështjet ndërkombëtare — veçanërisht dosja bërthamore — të trajtohen vetëm përmes diplomacisë. Fidan theksoi se Irani mbetet nën sanksione dhe izolim, gjë që i kufizon mundësitë ekonomike dhe prodhon presion të fortë social. Sipas tij, vështirësitë ekonomike dhe mungesa e perspektivës mund të shfaqen si revoltë politike, por realiteti është më kompleks dhe përbën “zonë gri”. Duke folur për tensionet e fundit, ai tha se Turqia nuk dëshiron të shohë ndërhyrje të jashtme në Iran dhe vuri në dukje se, në politikat e Presidentit amerikan Donald Trump, nuk është parë deri tani një prirje e fortë për përdorimin e forcave tokësore.

Në një klimë tensioni ekstrem në Lindjen e Mesme, Shtetet e Bashkuara po japin sinjale të forta se një veprim ushtarak ndaj Iranit mbetet real dhe i afërt. Lëvizjet e fundit të forcave amerikane, përfshirë zhvendosjen e aeroplanmbajtëses USS Abraham Lincoln dhe shkatërruesve shoqërues drejt rajonit, interpretohen si përgatitje për një goditje të mundshme. Presidenti Donald Trump ka bërë të qartë se kërkon një sulm të shpejtë dhe vendimtar, që të mos e zhysë SHBA-në në një luftë të zgjatur, ndërsa administrata amerikane shqetësohet për një kundërpërgjigje agresive iraniane. Paralelisht, vendet perëndimore po evakuojnë stafin diplomatik dhe qytetarët e tyre nga Irani, duke rritur alarmet e sigurisë. Nga Teherani vjen një paralajmërim i drejtpërdrejtë: Ministri i Jashtëm Abbas Araghchi i kërkon Trumpit të mos përsërisë “gabimin e qershorit”, duke paralajmëruar se çdo përpjekje e dështuar do të ketë të njëjtin rezultat. Situata mbetet e brishtë dhe vendimet e ditëve në vijim pritet të përcaktojnë nëse kriza do të marrë rrugën e diplomacisë apo të përplasjes ushtarake.

Ministrja e Infrastrukturës dhe Energjisë, Belinda Balluku, është vënë së fundmi në qendër të vëmendjes publike, por këtë herë jo për deklaratat e saj politike. Një transformim drastik në pamjen e saj ka ndezur rrjetin dhe portalet, duke ngritur pyetje rreth sekreteve të rinisë së saj të beftë. Ky artikull analizon në detaj ndryshimet e dukshme në fytyrën e ministres, duke krahasuar fotot e saj të mëparshme me ato aktuale. Nga një ballë tërësisht i lëmuar dhe vetulla të ngritura që sugjerojnë përdorimin e botoksit, tek mollëzat e theksuara dhe buzët më voluminoze që flasin për mbushës estetikë, ne zbulojmë ndërhyrjet e mundshme që fshihen pas kësaj pamjeje të re dhe kaq të freskët. A është gjithçka rezultat i një grimi mjeshtëror, apo Belinda Balluku i është dorëzuar bisturisë së mrekullive? Hyni për të parë fotot krahasuese dhe për të lexuar analizën e plotë të transformimit që po komentohet nga të gjithë.