Presidenti i SHBA-ve, Donald Trump është kujdesur personalisht për çdo qytetar amerikanë, duke i derguar secilit prej tyre një letër për t’i njoftuar lëvrimin e ndihmës ekonomike për secilën familje e njëkohësisht duke i siguruar ata se SHBA-të do të ringrihen sërish pasi të mposhtin këtë armik të padukshëm.
Familja shqiptare, e cila është rezidente në New York ka siguruar për redaksinë e aktualitet.al, letrën që Presidenti Trump ju ka dërguar atyre.
Kongresi amerikan ka vendosur që çdo i rritur do të përfitojë një shumë prej 1200 dollarë dhe cdo fëmijë do të përfitojë vlerën prej 500 dollarë në formën e ndihmës së drejtëpërdrejtë në llogaritë e tyre bankare.
Lexoni mëposhtë letrën që Trump ju dërgon atyre.
“I dashur bashkëqytetar:
Vendi ynë i madh po përjeton një sfidë të paparë të shëndetit publik dhe ekonomik, si rezultat i pandemisë globale të koronavirusit. Prioriteti ynë kryesor është shëndeti dhe siguria juaj. Ndërkohë që ne zhvillojmë luftë totale kundër këtij armiku të padukshëm, ne po punojmë gjithashtu për të mbrojtur amerikanët punëtorë si ju nga mbyllja totale e ekonomisë. Ne jemi plotësisht të përkushtuar për të siguruar që ju dhe familja juaj të keni mbështetjen që ju nevojitet në këtë kohë të vështirë.
Më 23 Mars 2020 kongresi kaluan në unanimitet të plotë bipartizan Aktin e Ndihmës, Ndihmës dhe Sigurisë Ekonomike të Koronavirusit, të cilin e dekretova me krenari. Unë dua të falënderoj Dhomën e Përfaqësuesve të Shteteve të Bashkuara dhe Senatin e Shteteve të Bashkuara që punuan kaq shpejt me administratën time për të lëvruar sa më parë këtë ndihmë ekonomike shumë të nevojshme për popullin amerikan në vlerën 2.2 trilion dollarë.
Kjo përfshin ndihmë të shpejtë dhe të drejtpërdrejtë ekonomike për ju.
Unë jam i kënaqur t’ju njoftoj se siç parashikohet në ligj, ju po merrni një pagesë ekonomike prej 2900 dollarë në mënyrë të drejtpërdrejtë në llogarinë tuaj bankare. Shpresojmë që kjo shumë të ofrojë mbështetje të konsiderueshme për ju gjatë kësaj periudhe.
Çdo qytetar duhet të krenohet në mënyrë të jashtëzakonshme për guximin dhe vullnetin dhe vetëmohimit e popullit tonë. Shtytja dhe vendosmëria e Amerikës, inovacioni dhe vullneti i plotë kanë mposhtur çdo sfidë të mëparshme dhe ata do ta mposhtin edhe këtë armik të padukshëm. Ashtu siç kemi edhe më parë. Amerika do të triumfojë përsëri – dhe do të ngrihet në lartësi të reja madhështie.
Ne do ta bëjmë atë së bashku, si një komb, më i fortë se kurrë më pare.” – mbyll letrën Presidenti Trump duke e nënshkruar atë personalisht./ ©aktualitet.al