Ylli i Tottenham, Heung-Min Son, ka folur për herë të parë për trajnimin e tij të detyrueshëm ushtarak, në të cilin mori pjesë gjatë coronavirusit.
Min Son ishte në detyrë ushtarake në Korenë e Jugut, vendin e lindjes nga 20 prilli për të përfunduar trajnimin e tij të detyrueshëm tre javor.
“Ishte një përvojë e mirë. Unë nuk mund të them gjithçka që kam bërë, por më pëlqeu. Tri javë ishin të vështira”.
“Në ditët e para askush nuk e njihnim njëri-tjetrin, kështu që ishte pak e çuditshme, por shpejt u njohëm me njëri-tjetrin. Duhet të kaloni çdo ditë së bashku, ishin dhjetë njerëz në një dhomë, kështu që u afruam shumë”.
“Ne po punonim së bashku, duke ndihmuar njëri-tjetrin. Në ditët e para djemtë e tjerë nuk flisnin me mua, por kur erdhëm drejt fundit bënim edhe shaka dhe e shijonim së bashku”, ka thënë 27-vjeçari në llogarinë e klubit në Twitter.
Son ishte me flotën detare në ishullin Jeju dhe mësoi shumë gjëra, duke filluar me gjuajtjen me pushkë, të ekspozohej ndaj gazit lotsjellës dhe të merrte pjesë në një marsh rreth 30 km.
Zyrtarët u mahnitën me performancën e Sonit dhe ai ishte ndër pesë më të mirët nga 157 ushtarët – madje duke marrë edhe një çmim për punën e tij.
Në Korenë e Jugut, të gjithë meshkujt janë të detyruar të marrin pjesë në shërbimin ushtarak për 21 muaj deri në moshën 28 vjeç, por Son e zvogëloi këtë, pasi ndihmoi vendin e tij të fitojë medaljen e artën në Lojërat Aziatike 2018.