Gazetari Alfred Lela i dhunuar gjatë protestës për shembjen e Teatrit Kombëtar ka publikuar në profilin e tij në Facebook shenja të dhunës në trup, por edhe dëshminë mjeko-ligjore që e fakton një ghjë të tillë.
Ndonëse vetë kryeministri Rama, i ftuar në emisionin “Real Story” në News 24, mohoi që Lela të ishte dhunuar, ndërsa shtoi se policët kishin bërë detyrën, gazetari i vë përpara këto fakte.
Lela thotë po ashtu se po bëhet gati ta cojë cështjen në gjykatë. Në dëshminë mjekoligjore, mjeku ka konstatuar se i dëmtuari është ankuar për dhimbje koke dhe qafe, marrje mendsh dhe humbje ekuilibri gjatë lëvizjeve rrotulluese të kokës.
STATUSI I PLOTE
Eksperti mjeko-ligjor (i shtetit) ka parë këto shenja dhe të tjera, që specifikohen në raportin zyrtar, që Rama, Lleshi e të tjerë lokalë, por edhe ndërkombëtarët, të cilat e ngrenë zërin edhe për macet e humbura, nuk ua kanë zënë sytë.
Ja ku i kanë, në rrugë e sipër për në gjykatë. Ndoshta nuk i sheh as gjykata. Të gjithë këta bashkë mund të mos kenë sy, por, sa për vete, atë zë që kam nuk ma heshtin dot.
