Goli i Sergio Ramos ndaj Real Sociedad të dielën mbrëma ishte një gol historik, me spanjollin që u bë mbrojtësi me më shumë gola në La Liga.
Ramos arriti të zhbllokonte ndeshjen kur shndërroi në gol penalltinë e fituar.
Ky ishte goli i 68-të në La Liga për Ramos, që tani është mbrojtësi me më shumë gola të shënuar.
Kapiteni i Real Madridit ka lënë pas legjendën e Barcelonës, Ronald Koeman.
Sergio Ramos karrierën profesioniste në La Liga e nisi te Sevilla, ndërsa në vitin 2005 u transferua te Real Madridi.
Me fanellën e Los Blancos, Ramos ka fituar katër tituj të La Ligës dhe katër Champions League.