Lojtari i Brest në Ligë 1, Ronael Pierr Gabriel është dhunuar dhe i është djegur makina.
Ngjarja e rëndë ka ndodhur në një nga lagjet më famëkeqe të qytetit ndërsa agresorët kanë qenë të gjithë djem të rinj. Në një komunikatë për shtyp ekipi i Brest e dënoi këtë akt dhe konfirmoi se lojtari i tyre ka marrë disa dëmtime fizike.
“Klubi dënon këtë ngjarje dhe i jep mbështetje të plotë Ronaelit. Është për të ardhur keq që episode të tilla mund ti ndodhin një djaloshi që ka vetëm dy javë në qytet dhe që nuk ka pasur probleme me asnjë”, thuhet në reagimin e klubit.