Arabia Saudite e mbylli me një deficit prej 29 miliardë dollarë tremujorin e dytë të vitit për shkak të rënies së vazhdueshme të çmimeve dhe kërkesës për naftës, e cila ndikoi në të ardhurat e Mbretërisë.
Reuters raporton se të ardhurat e naftës për prill-qershor ishin ulur 45 përqind në vit, dhe të ardhurat totale të buxhetit me 49 përqind krahasuar me një vit më parë.
Arabia Saudite ka ndërmarrë disa hapa shtrëngues tashmë në një përpjekje për të frenuar shpenzimet publike dhe për të zbutur ndikimin e krizës së naftës në ekonominë e saj, por duket se do të duhet më shumë se kaq.
“Një ulje drastike e shpenzimeve është thelbësore për të përmirësuar deficitin,” citoi Reuters Monica Malik, kryekonomiset në Bankën Tregtare të Abu Dhabi. “Qëndrimi proaktiv i qeverisë ishte reflektuar tashmë në masat shtrënguese të shpallura në prill. Sidoqoftë, këto do të dobësojnë perspektivën e rimëkëmbjes. “
Deri më tani këtë vit qeveria Saudite ka njoftuar një shkurtim të shpenzimeve buxhetore për vitin 2020 me 13.2 miliardë dollarë përmes “një ulje të pjesshme të disa zërave me ndikimin më të vogël social dhe ekonomik”, së bashku me një trefishim të taksës mbi vlerën e shtuar në 15 përqind nga 5 përqind dhe një pezullim i të ashtuquajturave pagesa të kostos së jetesës për të gjithë nëpunësit publikë sauditë, të cilët përbëjnë shumicën e sauditëve të punësuar.
Problemi me këto masa shtrënguese është se ato mund të ngadalësojnë rimëkëmbjen e ekonomisë pasi të përfundojë kriza.
FMN pret që ekonomia e Arabisë Saudite të tkurret me 6.8 përqind këtë vit. Vetë Mbretëria e ka quajtur vlerësimin e FMN-së si pesimist.
Bursa për datën 29 Korrik 2020 u mbyll si më poshtë:
Vlerat janë të shprehura në $/mt
- Brent është shprehur në $/bbl
| Produkti | Çmimi ditor ( $/mt ) | Ndryshimi ditor +/- ( $/mt ) |
| BENZINA | 388.00 | – 3.75 |
| DIESEL | 376.75 | + 5.75 |
| BRENT | 43.75 | + 0.63 |
©aktualitet.al