Përveç mesazhit të ashpër kundër ndryshimit të njëashëm të kushtetutës, presidenti Ilir Meta ka bërë edhe një paralajmërim për Edi Ramën.
Meta i kujton Ramës, se ky i fundit u mburr sot në Kuvend, se është djali i Kristaq Ramës, komunistit vrasës, që me firmën e tij vari në mes të Kukësit, poetin Havzi Nela.
Më pas, Meta i thotë Ramës, se do ti përgjigjet shqiptarisht dhe shqiptarisht do të thotë, sy për sy e dhëmb për dhëmb, deri në fund.
‘Presidenti i Republikës si gjithmonë do të jetë në krye të detyrës në mbrojtje të Kushtetutës, të drejtave të patjetërsueshme dhe vullnetit të qytetarëve për të marrë në dorë fatet e tyre.
Edi Rama e ftoi sot popullin shqiptar në një përballje historike.
Ai u mburr sot se është djali i komunistit që vari në mes të Kukësit poetët për fjalën e lirë.
Ne shqiptarët do t’i përgjigjemi shqiptarisht deri në fund!’, shkruan Meta në mesazhin e tij për Edi Ramën.