Presidenti Donald Trump tha se është e mundur të vihet në dispozicion vaksina kundër COVID-19 përpara zgjedhjeve presidenciale të 3 nëntorit.
Trump deklaroi se punimet për zhvillimin e vaksinës po përparojnë me shpejtësi dhe theksoi se presin që vaksinën ta kenë në duar para fundit të vitit.
I pyetur nga gazetari se “A prisni që vaksina të jetë gati para zgjedhjeve të 3 nëntorit?” presidenti amerikan u përgjigj: “Në disa raste, unë mendoj se po. Është e mundur që vaksina të jetë e gatshme para zgjedhjeve. Ne kemi kompani të mëdha. Këto kompani janë më të mirat në botë.”