Gazeta e përditshme gjermane Die Welt përmes një raporti të publikuar ditën e sotme pretendon se Presidenti turk Rexhep Tajip Erdogan, donte të provokonte një incident ushtarak me Greqinë në Mesdheun Lindor në mënyrë që të ‘mbijetonte’ politikisht.
Raporti, i titulluar “Lufta e llogaritur e Erdogan”, zbulon se nëse do të varej nga Presidenti turk, marina e tij do të kishte fundosur një anije greke në Mesdhe shumë kohë më parë.
Më konkretisht, gazeta teksa citon burime ushtarake turke, raporton se Erdogan u kishte kërkuar gjeneralëve të Turqisë disa ditë më parë të fundosnin një anije Greke dhe se ata duhet ta bënin këtë duke siguruar që askush të mos vritej gjatë këtij procesi.
Kur gjeneralët refuzuan, dikush tjetër sugjeroi që të rrëzohej një avion luftarak grek, dhe piloti mund të përdorte bllokun e nisjes për të shpëtuar veten. Por gjeneralët turq përsëri refuzuan./Ekathimerini