Gjermania po teston sistemin e saj të paralajmërimit, i cili është krijuar posaçërisht në rast të ngjarjeve kërcënuese për jetën si përmbytjet, stuhitë, zjarret ose sulmet, në mënyrë që të gjithë njerëzit të sigurohen.
Sinjalizimet përdoren gjithashtu nëse ndërpriten sistemet themelore të furnizimit si energjia elektrike dhe gazi, uji, interneti ose telefoni. Kjo është hera e parë që nga ribashkimi, që dita e paralajmërimit është koordinuar bashkërisht nga qeveritë federale dhe shtetërore.
10 shtatori 2020 është dita e parë kombëtare e paralajmërimit të Gjermanisë (Warntag) dhe ditën e sotme pajisjet paralajmëruese u ndezën njëkohësisht në të gjithë Gjermaninë.
Një sinjal paralajmërues provë do t’u dërgohet të gjithë të ashtuquajturve “shumëzues”, si stacionet TV dhe radio dhe serverat e aplikacioneve, të cilat janë të lidhura me sístemin federal të paralajmërimit modular. Në të njëjtën kohë, pajisjet paralajmëruese komunale si sírenat, tabelat dixhitale dhe altòparlantët u ndezën gjithashtu.