Gjykata e Qarkut në Landau të Gjermanisë e ka dënuar me burgim të përjetshëm shtetasin 32-vjeçar nga Kosova.
Sipas trupit gjykues Astrit R. kishte qëlluar Fitore R. (33 vjeçe) nënën e fëmijëve të tij 7 e 9, vjeç me tre të shtëna.
Ajo ndodhej e ulur në ulësen e pasme të makinës dhe si motiv për ngjarjen e ndodhur është marrë xhelozia.
Policia e kishte gjetur trupin e viktimës gjatë një kontrolli në trafik në qytetin e Mindfeld dhe i dyshuari ishte kapur duke dalë nga vetura me armë në dorë.
I pandehuri tashmë është dënuar me dënimin maksimal në gjyqësinë gjermane ku më parë kishte edhe precedente të tjera penale. Ai kishte qenë i dënuar për ushtrim të dhunës fizike, vjedhje e grabitje, Për këto vepra penale ai ishte dënuar edhe me dëbim nga Gjermania.