Problemi i ri i OPEC-ut është prodhuesi i saj i tretë më i madh. Bursa për datën 16 Shtator 2020

Emiratet e Bashkuara Arabe, aktualisht prodhuesi i tretë më i madh i OPEC-ut, thyen kuotën e saj të prodhimit të naftës OPEC + me një mbiprodhim prej 520,000 fuçi në ditë (bpd) në gusht, treguan të martën të dhënat nga Agjencia Ndërkombëtare e Energjisë (IEA), duke sugjeruar që aleati i Arabisë Saudite, mund të jetë “problematiku” i ri i kartelit.

Sipas Raportit të Tregut të Naftës të IEA, cituar nga Bloomberg, Emiratet e Bashkuara Arabe pompuan 3.11 milion fuçi në ditë në gusht, me nj rritje prej 240,000 fuçi në ditë nga korriku dhe 520,000 fuçi në ditë mbi tavanin e saj prej 2.59 milion bpd sipas marrëveshjes OPEC +.

Në fillim të këtij muaji, vetë Ministri i Energjisë së Emirateve të Bashkuara Arabe Suhail Al Mazrouei pranoi se prodhimi i Emirateve të Bashkuara Arabe u rrit në kuotën e mësipërme 2.693 milion fuçi në ditë në gusht, por që “masat janë marrë për të kompensuar këtë rritje të përkohshme për shkak të kërkesës së pikut të energjisë elektrike në verë në Emiratet e Bashkuara Arabe, të cilat kërkuan një rritje në prodhimin e naftës dhe gazit”.

Al Mazrouei gjithashtu tha se Kompania Kombëtare e Naftës në Abu Dhabi (ADNOC) kishte njoftuar klientët e saj afatgjatë se një ulje prodhimi prej 30 përqind do të zbatohej për të gjitha klasat në Tetor.

Emiratet e Bashkuara Arabe u vlerësuan tashmë javën e kaluar të kishin eksportuar shumë më tepër naftë të papërpunuar në gusht pasi prodhuan më shumë sesa kuotat e tyre sipas marrëveshjes OPEC +, duke minuar besimin e tregut të naftës në unitetin e grupit.

Ndryshe nga paktet e mëparshme OPEC +, mosrespektimi i kuotave këtë herë kërkon që fajtorët të kompensojnë çdo prodhim mbi kuotën me më shumë ulje në muajt në vijim.

Arabia Saudite, e cila ka qenë duke denoncuara publikisht anëtarët e pabindur të OPEC-ut Irakun dhe Nigerinë në mënyrë që të përputheshin me kuotat e tyre, ka të ngjarë të jetë më diskrete në presionin e saj mbi Emiratet e Bashkuara Arabe, thanë RBC Capital Markets për Bloomberg.

Bursa për datën 16 Shtator 2020 u mbyll si më poshtë:

Vlerat janë të shprehura në $/mt

• Brent është shprehur në $/bbl

©aktualitet.al