Jo më kimioterapi për të luftuar kancerin, por terapi me anë të ilaçeve që synojnë të neutralizojnë vetëm qelizat kancerogjene. Është ky rezultati i një studimi nga Instituti kërkimor De Bellis në Castellana Grotte NË Puglia të Italisë.
Kërkimi, i udhëhequr nga Profesor Cristiano Simone çoi në zbulimin e rolit të gjenit SMYD3 në neoplazmat. Sapo të zhvillohen medikamente frenuese, kimioterapia mund të shmanget në 10-15 përqind të kancerit të gjirit, zorrës së trashë, vezoreve dhe pankreasit.
Pas vetëm tetë muaj hulumtimi (projekti është pesë vjet), puna e De Bellis – botuar në revistën prestigjioze iScience të grupit Cell hedh dritë mbi funksionimin e tij duke demonstruar se si bllokimi i proteinave me ilaçe frenuese bën që qelizat kancerogjene të dështojnë në riparimin e ADN-së së tyre dhe të vdesin.
Ky mekanizëm shërben për të mbajtur të shëndetshme qelizat e shëndetshme, por përdoret gjithashtu nga qelizat kancerogjene për të mbrojtur veten nga dëmtimet e shkaktuara nga kimioterapia.
Zbulimi zgjeron zbatueshmërinë e të ashtuquajturit mekanizëm i” vdekshmërisë sintetike “, i cili duke shfrytëzuar ndryshimet gjenetike, midis qelizave kancerogjene dhe qelizave normale, lejon të vriten vetëm ata kancerozë . Një parim me potencial të madh, por deri më tani i përdorshëm vetëm në trajtimin e kancerit të vezoreve dhe pankreasit dhe vetëm në pacientët me kancer të predispozuar për shkak të mutacioneve të disa gjeneve.