Ndalet më shumë se 90% e prodhimit të naftës në Gjirin e Meksikës me afrimin e uraganit Delta. Bursa për datën 9 Tetor 2020

Më shumë se 90% e të gjithë prodhimit të naftës në Gjirin e Meksikës të SHBA është mbyllur ndërkohë që pritet goditja e uraganit më të fundit, tha BSEE të Enjten pasdite.

Dhe shkurtimet e prodhimit si rezultat i saj janë të mirëpritura pasi kërkesa për naftë vazhdon të ushtrojë presion mbi çmimet.

Byroja e Sigurisë dhe Zbatimit të Mjedisit tha të enjten se 272 platforma naftënxjerrëse janë evakuuar, ose 42% e të gjitha platformave në Gjirin e Meksikës.

Në total, 91.53% e të gjithë prodhimit të naftës – ose rreth 1.7 milion fuci në ditë – është ndalur, së bashku me 61.82% të të gjithë prodhimit të gazit.

Shell ka ndaluar prodhimin në të nëntë platformat në Gjirin e Meksikës të SHBA “si një masë paraprake”, duke shtuar se të gjitha operacionet e shpimit ishin ndërprerë.

Murphy Oil ka evakuuar disa punëtorë dhe pajisje përpara stuhisë, ashtu si edhe Equinor, BP, Chevron dhe BHP.

Disa stuhi këtë sezon kanë ndaluar prodhimin në Gji, duke filluar me Cristobal në Qershor dhe së fundmi duke përfunduar me Sally. Uragani që afektoi më gjatë në prodhimin e naftës dhe gazit në Gji, ishte Laura, e cila goditi në fund të Gushtit.

Në kulmin e saj, Laura detyroi evakuimin e të gjitha 16 platformave të shpimit të pozicionuara dinamikisht, 11 nga 12 platformat e shpimit të pozicionuara të ankoruara në dyshemenë e detit dhe gati gjysmën e 643 platformave të prodhimit në det të hapur që operojnë në Gjirin e Meksikës në det të hapur. Piku i mbylljes të prodhimit të naftës bruto ndodhi në 25 gusht, dy ditë para goditjes së Laura, kur u ndal 84 përqind e prodhimit mesatar ditor të naftës bruto të rajonit në  bazë të statistikave të vitit 2019, tha EIA më parë këtë muaj.

Bursa për datën 9 Tetor 2020 u mbyll si më poshtë:

Vlerat janë të shprehura në $/mt

• Brent është shprehur në $/bbl

©aktualitet.al