Ekziston një “mundësi e arsyeshme” që një terapi eksperimentale me antitrupa ta ndihmojë presidentin, Donald Trump gjatë trajtimit për COVID-19, ka thënë eksperti i lartë i sëmundjeve infektive në SHBA.
Anthony Fauci po i referohej një koktej me antritrupa të bëra nga kompania Regeneron, raporton BBC.
Në një intervistë me MSNBC, mjeku tha se terapia mund të ketë bërë një “ndryshim të rëndësishëm” në gjendjen e presidentit, por paralajmëroi të mos e quante atë “shërim”, siç ka thënë republikani.
Mjeku, drejtori i Institutit Kombëtar të SHBA-së për Alergji dhe Sëmundje Infektive, gjithashtu adresoi pretendimet se Trumpi bëri një ndërlidhje mes vdekjeve që i shkakton gripi sezonal me coronavirusin.
Eksperti i shëndetit tha se pandemia, e cila ka vrarë më shumë se 210 mijë njerëz në Amerikë, është shumë më serioze sesa gripi sezonal. “Nuk ka dyshim për këtë”, tha Fauci.
Ndryshe, të mërkurën rrjeti social Facebook fshiu një mesazh të të parit të SHBA-ve, i cili pohonte se gripi sezonal ka vrarë më shumë njerëz se sa coronavirusi.