OPEC + mund të ndryshojë kushtet e marrëveshjes së saj lidhur me shkurtimin e prodhimit të naftës nëse anëtarët e kartelit bien dakord ta bëjnë atë, tha Ministri Saudit i Energjisë Abdulaziz bin Salman siç citohet nga Reuters.
“Në konsultë me miqtë tanë, disa prej tyre janë të pranishëm këtu dhe disa prej tyre jo, por të cilët, unë e di se sa të përkushtuar janë ndaj shkurtimeve,” tha bin Salman në konferencën e ADIPEC.
“Unë do të argumentoja se mund të kemi një shkurtim të prodhimit edhe përtej vlerave që flasin analistë,” shtoi ai.
Analistët kanë argumentuar se OPEC + mund të vendosë të zgjasë shkurtimet aktuale të prodhimit prej 7.7 milion bpd në vitin e ardhshëm në vend që të ndjekë kushtet origjinale të marrëveshjes së prillit dhe t’i zbusë ato në 5.7 milion bpd. Ka pasur gjithashtu raporte që thanë se Arabia Saudite, Rusia dhe të tjerët po konsideronin një ndryshim të lehtësimeve në përgjigje të rënies së fundit të çmimit të naftës.
Ndërkohë, rastet e Covid-19 vazhdojnë të rriten në Evropë dhe Shtetet e Bashkuara. Mesatarja shtatë ditore e SH.B.A. javën e kaluar arriti në 100,000 raste çdo ditë, me disa spitale të mbingarkuara nga numri i njerëzve që kanë nevojë të shtrohen në spital. Në Evropë, kufizimet po shtrëngohen më tej në përgjigje të rritjes së rasteve.
Përveç situatës së zymtë të kërkesës për naftë, OPEC mund të ketë gjithashtu një problem tjetër: një presidencë të Biden. Sipas një raporti të Reuters, burime nga karteli presin tensione në të ardhmen sepse Biden mund të mbajë një qëndrim tjetër ndaj Iranit, Venezuelës dhe Rusisë.
Bursa për datën 9 Nëntor 2020 u mbyll si më poshtë:
Vlerat janë të shprehura në $/mt
- Brent është shprehur në $/bbl
| Produkti | Çmimi ditor ( $/mt ) | Ndryshimi ditor +/- ( $/mt ) |
| BENZINA | 381.50 | + 27.75 |
| DIESEL | 342.75 | + 22.00 |
©aktualitet.al