Analisti politik Afrim Krasniqi publikon shifrat e INSTATIT për popullsinë në Shqipëri dhe nxjerr “blof” Ministrinë e Brendshme, Gjendjen Civile dhe KQZ. Ai i referohet tabelës zyrtare të publikuar nga KQZ për numrin e shtetasve shqiptarë që do votojnë në 25 prill.
Sipas tabelës, numri i shtetasve shqiptarë është 4.544.977, ndërkohë që analisti thotë se sipas Institutit të Statistikave (INSTAT) numri i shtetasve shqiptarë është 2.845.955. “Diferenca rreth 1.7 milionë”, shkruan ai.
“INSTAT: Popullsia e Shqipërisë 1.1.2020 = 2.845.955 banorë. MPB, RGJC dhe KQZ ndanë mandatet për 2021, ku sipas tabelës Shqipëria ka 4.544.977 shtetas! Diferenca rreth 1.7 milionë!! Kemi shtet, kemi parti, kemi shefa të fortë e liderë globalë, por pas 30 vitesh s’dimë ende sa banorë jemi”, shkruan analisti Afrim Krasniqi dhe ndan tabelën e mëposhtme.
