Shumica e nuseve duhej të ndryshonin në mënyrë drastike planet e tyre të dasmës për shkak të pandemisë së koronavirusit, të shkurtonin listën e të ftuarve, të anulonin ato më të mëdha dhe të “vendoseshin për” pritje dhe festime më të vogla.
Por Emily Bugg dhe Billy Lewis nga Çikago kishin idenë për të zëvendësuar festimin e tyre të dasmës me diçka më të mirë dhe më të dobishme – duke u dhënë të tjerëve.
Këta të sapomartuar po planifikonin një pritje të madhe për familjen dhe miqtë, por ndërsa përkeqësohej pandemia ata kuptuan se dita e tyre e madhe nuk do të ndodhte saktësisht siç kishin planifikuar.
Çifti u martua muajin e kaluar në një ceremoni modeste në bashki. Ai ishte thjesht një fotograf.
Ata nuk kishin vend për të festuar apo pritur mysafirë, ndaj dhe 5,000 dollarë të kursyer vendosën t’i bëjnë për ushqim dhe shërbime hotelierike.
Kështu që ata e pyetën furnizuesin e ushqimit nëse mund ta “shndërronin” ushqimin e planifikuar për martesë në vaktet që do të jepnin për njerëzit në nevojë në Ditën e Falenderimeve.
Të sapomartuarit dhe kompania e hotelierisë ndihmuan për të shërbyer 200 vakte për njerëzit e diagnostikuar me sëmundje mendore dhe ata që vuajnë nga përdorimi i alkoolit.
“Anulimi i një martese të madhe nuk është gjëja më e keqe që mund të ndodhë. Ne jemi të lumtur që jemi martuar dhe jemi kaq të lumtur që kemi qenë në gjendje të ndihmojmë”, tha Bugg.
Heidi Moorman Coudal, e cila zotëron kompaninë e hotelit Big Delicious Planet, kujtoi se çifti i pyeti ata nëse mund të bënin diçka të mirë me kursimet e e tyre.
“Të gjithë ishin me të vërtetë të entuziazmuar sepse e dinin që ky ushqim po shkonte për qëllime vërtet të mira”, tha Coudal.