Theo Hernandez është një nga blerjet më të mira që ka bërë Milani në këto vitet e fundit.
Francezi ka shkëlqyer te kuqezinjtë në këto 2 vite, duke u shndërruar në nga një mbrojtësit e majtë më të mirë në qarkullim.
Mediat në Spanjë po aludojnë për një rikthim të Theos te Reali i Madridit në të ardhmen, por vetë futbollisti as që e mendon diçka të tillë, pasi është i lumtur te Milani dhe kërkon të qëndrojë gjatë.
Të dielën ndaj Parmës, Theo realizoi dy herë, duke i evituar humbjen Milanit.
“Nuk e shoh veten time përsëri te Real Madridi. Nëse do të mundja, do të qëndroja përgjithmonë te Milani. Kur shkova në Madrid isha shumë ri dhe nuk kisha minuta. Ishte e komplikuar gjithçka, për shkak se nuk kisha besimin që kam tani”, tha Theo Hernandez.