Së pari humbja e hidhur ndaj Spezia-s, pastaj barazimi në minutën e 93-të kundër Crvena Zvezdës. Derbi përfaqëson një mundësi për të kaluar një javë të komplikuar për Milanin, si dhe për të rikuperuar kreun e Serie A kundër Interit.
Stefano Pioli, trajneri i Milanit ka folur në prag të ndeshjes:”Do të jetë një derbi siç nuk është parë për ca kohë, me një klasifikim të bukur për të dy skuadrat – tha trajneri i kuqezinjëve. “Është një ndeshje që duhet të luhet me qetësi maksimale, por me shumë zemër. Do të nevojitet vullneti dhe vendosmëria”. Pioli gjithashtu u ndal edhe te dueli Ibrahimovic-Lukaku, tekniku i kuqezinjëve preferon më tepër suedezin.
“Me gjithë respektin e duhur për një sulmues të shkëlqyeshëm si Romelu, por unë zgjedh Zlatanin gjithë jetën time”. Zënka mes tyre? Do të kishte qenë më mirë nëse nuk do të kishte ndodhur, por nesër do të jetë një tjetër ndeshje. Është një derbi, do të ketë duele dhe përplasje të tjera, por edhe respekt dhe profesionalizëm të madh”.