Policia spanjolle ka arrestuar 100 anëtarë të një bande që merrej me trafikim e marijuanës dhe hashashit nga Maroku në Spanjë.
Banda kishte mbushur anijet me drogë dhe kishte kaluar Mesdheun deri në afërsi të Seviljes. Gjatë operacionit, efektivët kapën mbi 5 ton hashash dhe 230 kg marijuanë.
Disa nga anëtarët e rrjetit kriminal punonin për të siguruar skafet, me të cilët transportohej lënda narkotike, ndërsa të tjerë fshihnin drogë në kamionët e ngarkuar me fruta.
Ndërkohë operacioni policor vijon për të bërë të mundur arrestimin e të gjithë personave të pëfshirë në organizatë.