Konspiracionisti Alfred Cako ka paralajmëruar zhvillime që do të tronditin botën. Ai tha se vendi do të shkojë drejt kaosit pasi ne jemi pjesë e një plani të madh.
Sipas tij, ata po ndjekin modelin e bretkosës mbi njerëzimin duke i dëmtuar në mënyrë të ngadaltë që në fund të mos kenë mundësi reagimi.
“Shumë njerëz janë në gjumë dhe ende nuk na besojnë. Po ndodh fenomeni ‘i bretkosës. Bretkosën kur e hedh në ujë te vakët dhe kur ia ngroh ujin dalëngadalë ajo nuk hidhet të dalë nga tenxherja, nëse e hedh në ujë të nxehtë del menjëherë. Konspiracionistët e kanë mësuar këtë gjë dhe gjithë gjërat që kemi thënë neve kanë dalë, ne jemi antikonspiracionistë, jemi me popullin. Konspiracionistë janë ata që i kanë planifikuar këto plane për njerëzimin. Ata e kanë mësuar këtë gjë dhe si bretkosa po na e bëjnë pak nga pak. Po të na thonin para dy vitesh që do mbanim maskë dhe ne do ta mbanim do të na merrnin me gurë. Ata kanë bërë një plan, krahas asaj që quhet rivendosja e madhe, apo rifillimi i madh që e quajnë konspiracionistët është dhe rizgjimi i madh i njerëzve. Kam frikë se botën po e çojnë drejt kaosit”, u shpreh Cako.