Një tjetër oficer nga uniformat blu shuhet si pasojë e koronavirusit.Bëhet me dije se kryekomisar Bedri Dani ka humbur betejën me Covid 19. Lajmin e ka bërë të ditur Shoqata e Punonjësve të Policisë në Lirim.
“Me dhimbje morëm lajmin për largimin përfundimtar nga kjo jetë të kolegut tonë, Kryekomisar Bedri Dani, si pasojë e këtij virusi vdekjeprurës që ka mbërthyer një botë të tërë. Shprehim nderimet tona për gjithë kontributin e tij të vyer në shërbim të komunitetit dhe vendit në radhët e Policisë së Shtetit, në të gjitha nivelet deri në ato drejtuese.” thuhet në postim.
