Importet e naftës bruto në Evropë u rritën me afër 1 milion bpd muajin e kaluar, raporton Bloomberg, duke përmendur edhe rritjen e menjëhershme të çmimeve të produktit të papërpunuar Brent.
Nigeria, Shtetet e Bashkuara dhe Brazili ishin ndër eksportuesit që përfituan nga trendi i çmimeve ku ndikoi fortë edhe mirëmbajtja e planifikuar në disa nga fushat naftëmbajtëse më të mëdha prodhuese në Detin e Veriut dhe një rimëkëmbje, megjithëse e dobët, e kërkesës për naftë në kontinent.
“Kërkesa në rritje nga Evropa mund të lidhet me parashikimin e lehtësimit të bllokimeve në muajt në vijim,” sipas Emmanuel Belostrino, një analist në Kpler, siç citohet nga Bloomberg.
Çmimet e naftës regjistruan dy javë rresht rritje pavarësisht shtimit në rastet e Covid-19 në Indi, e cila është ndër importuesit kryesorë në botë të naftës. Ndërsa rastet në Indi u rritën në rritme gjashtë shifrore çdo ditë, Evropa dhe Shtetet e Bashkuara filluan të rihapen më aktivisht falë vaksinimeve, të cilat nxitën optimizmin për kërkesën.
Bursa për datën 10 Maj 2021 u mbyll si më poshtë:
Vlerat janë të shprehura në $/mt
Brent është shprehur në $/bbl
| Produkti | Çmimi ditor ( $/mt ) | Ndryshimi ditor +/- ( $/mt ) |
| BENZINA | 650.75 | – 0.50 |
| DIESEL | 548.25 | + 1.75 |
| BRENT | 68.65 | – 0.16 |
©aktualitet.al