Mediat greke kanë publikuar foton e grabitësit që dyshohet se vra 20-vjeçaren Caroline. Nisur nga dëshmitë e bashkëshortit të saj 32-vjeçar autoritetet greke kanë arritur të krijojnë identitetin, profilin e kreut të bandës që i mori jetën Carolinës.
Nga të dhënat që piloti dha lidhur me grabitësin që sipas tij ishte biond, i shkurtër, rreth të 40-ve dhe i ashpër, hetuesit grekë hodhën në skicë një profil të mundshëm të kriminelit.
Sipas mediave greke, ai dyshohet se është shqiptar. Në raportin e hartuar nga grekët theksohet fakti që organizatori, nga mënyra e sjelljes dhe veprimeve, rezulton se i urren gratë, të cilat ai i keqtrajton brutalisht dhe nuk heziton as t’i vrasë.
Rrethi është ngushtuar dhe autoritetet greke duket se janë shumë pranë zbardhjes së ngjarjes së rëndë edhe pse grabitësit nuk kanë lënë asnjë gjurmë në vilën e çiftit.
