Këngëtari Luis Fonsi ka treguar një anë “të errët” të këngës ‘Despacito’, e cila mund të quhet si suksesi i tij më i madh në karrierën muzikore.
Elpais shkruan se Fonsi gjatë një interviste e ka cilësuar këngën si një bekim nga zoti pasi ishte një sukses i madh, ndërkohë që më tej, është shprehur se kënga ka ardhur në një kohë me fëmijen e tij. Fonsi ka vazhduar më tej, duke thënë se kënga i kushtoi atij shumë, pasi humbi hapat e parë të fëmijës së tij.
“Është një bekim, një dhuratë nga Zoti. Për sa kohë që njerëzit nuk lodhen dhe vazhdojnë të më kërkojnë, unë do ta këndoj. Falë saj e çova muzikën dhe gjuhën time në Azi, Australi, Rusi, takova shumë njerëz dhe kultura të tjera.Ishin ndjenja të çuditshme sepse kisha nevojë të isha në krye profesionalisht, por në të njëjtën kohë, humba hapat e parë të fëmijës tim…kjo më kushtoi shumë”, tha Fonsi.