Talebanët në Afganistan po veprojnë me shpejtësi për të trajtuar sfidat e pajtimit me armiqtë e dikurshëm, vetëm disa ditë pasi rimorën pushtetin në Kabul dhe shpallën se “lufta ka mbaruar”.
Shumë të tjerë po tentojnë të largohen nga vendi.
Turqia ka evakuuar të paktën 40 zyrtarë të lartë të qeverisë afgane nga Kabuli të hënën, të fshehur në një fluturim riatdhesimi të Turkish Airlines që u ul në Stamboll me 324 pasagjerë në bord.
Midis tyre janë: zëvendës presidenti Sarëar Danish, ministri i jashtëm Mohammad Hanif Atmar dhe kreu i Drejtorisë së Sigurisë Kombëtare, Ahmad Zia Sraj, si dhe tre ish-ministra të tjerë dhe disa deputetë.
Lajmi është përhapur në mediat vendase, pasi zyrtarët e evakuuar janë vendosur në siguri të plotë.
Sipas mediave, ushtria turke ndihmoi operacionet e hipjes në bord, duke parandaluar shumë njerëz të hipnin në avion në kaosin e aeroportit të Kabulit. Planet e evakuimit janë organizuar ditët e mëparshme, para hyrjes së talebanëve në kryeqytetin afgan.