Një video rrëqethëse ka zbuluar tingujt e trokitjes që mbajtën gjallë shpresat gjatë kërkimeve për nëndetësen e vogël Titan që u zhduk pa lënë gjurmë në 18 qershor të vitit të kaluar. Kërkimet për 5 pasagjerët e nëndetëses tërhoqën vëmendjen e të gjithë botës në atë kohë. Lajmet për kapjen e disa tingujve misteriozë u përhapën në të gjithë globin kur po mbahej misioni i kërkim-shpëtimit.
Më parë mendohej se mund të ishin një thirrje SOS të dëshpëruar nga nëndetësja që më vonë u gjet e ndarë në copa në fund të oqeanit. Ekipet e kërkim-kërkimit u alarmuan pasi Titan humbi kontaktet me anijen e saj mëmë dhe u zhduk gjatë një ekspedite në rrënojat e Titanikut. Pas një pritjeje të gjatë për lajme të mundshme, në ditën e dytë të kërkimeve u mësua se ishin dëgjuar zhurma që vinin nga thellësia e oqeanit.
Tingujt vinin në intervale prej 30 minutash dhe tashmë mund të dëgjohen për herë të parë në një dokumentar të ri që do të publikohet së shpejti. Goditjet rrëqethëse vijnë në çifte nga dy trokitje secila dhe kanë një rrahje të rregullt të zbrazët, gjë që tërhoqi vëmendjen e ekspertëve. Ish-kapiteni i nëndetëses së marinës britanike Ryan Ramsey thotë për dokumentarin e Channel 5: “Mund të jetë dikush duke trokitur. Simetria midis këtyre goditjeve është shumë e pazakontë. Është ritmike, është sikur dikush po e bën atë tingull dhe fakti që ai përsëritet është vërtet i pazakontë.”
Pasi tingulli u regjistrua për herë të parë rreth orës 23:30 më 20 qershor, marina amerikane konfirmoi se kishte zbuluar zhurmat të nesërmen në mëngjes. Kapiteni i Rojës Bregdetare Jamie Frederick pranoi se ishte i hutuar në atë kohë duke thënë: “Përsa u përket zhurmave, nuk e dimë se çfarë janë ato, të jem i sinqertë me ju.”
Bota shikonte me ankth teksa shpëtuesit dyfishuan urgjentisht përpjekjet e tyre për të gjetur nëndetësen e zhdukur përpara se të mbaronte oksigjeni. Në mënyrë tragjike, shpresat e ngritura nga tingulli misterioz u humbën më vonë pasi ekspertët ua atribuan zhurmat e anijeve të tjera në zonë.
Nëndetësja Titan u zbulua se kishte shpërthyer vetëm disa metra larg Titanikut duke vrarë 5 ekuipazhin në “milisekonda”. Një zyrtar i mbrojtjes amerikane tha se ata dëgjuan “një anomali akustike në të ngjashme me një shpërthim” vetëm pak orë pasi nëndetësja humbi kontaktet. Një zëdhënës i Rojës Bregdetare të SHBA tha se mbeturinat e gjetura ishin “në përputhje me dhomën e presionit” të nëndetëses.
Misioni nën det ishte organizuar nga OceanGate, një kompani private që siguronte zhytës me ekuipazh për turizëm dhe kërkime. Eksploruesi Stockton Rush, miliarderi britanik Hamish Harding, Paul-Henri Nargeolet, Shahzada Dawood dhe djali i tij 19-vjeçar Suleman vdiqën tragjikisht gjatë zhytjes për në rrënojat e Titanikut.
Tashmë një dokumentar do të publikohet për të shënuar një vit nga tragjedia. Ajo do të tregojë prapaskenat e operacionit të kërkimit shumë milionë dollarësh. Dokumentari thekson se çfarë mësimesh mund të nxirren nga kjo katastrofë. Ai përmban audion e goditjes të padëgjuar më parë, si dhe mendimin e ekspertëve për atë që ndodhi gjatë misionit të kërkimit që bëri botën të ndalej.
