Një grafik intrigues që po qarkullon në rrjetet sociale ka ngjallur dyshime të forta dhe ngritur pikëpyetje të mëdha mbi besueshmërinë e sistemit zgjedhor amerikan. Sipas këtij grafiku, zgjedhjet presidenciale të vitit 2020 panë një rritje të papritur prej rreth 20 milionë votash në numrin e votave popullore, një numër masiv që tani duket se është “zhdukur” në zgjedhjet e vitit 2024. Kjo rënie e beftë ka lënë shumë njerëz me pikëpyetje: Çfarë ndodhi me këto vota? Dhe pse?
Disa analistë dhe qytetarë të thjeshtë po spekulojnë nëse jemi përballë një manipulimi të mundshëm të pjesëmarrjes së votuesve. Pse kaq shumë vota duket se u “zhdukën” nga viti 2020 në 2024? Ka nga ata që besojnë se zgjedhjet e vitit 2020 shërbyen si një “eksperiment masiv” i orkestruar për të testuar kontrollin mbi votuesit përmes metodave të reja, si votimi masiv me postë dhe lehtësimet e tjera që solli pandemia.
Një tjetër teori është se rënia e votave në vitin 2024 pasqyron një zhgënjim masiv dhe të qëllimshëm të votuesve, për të dobësuar një pjesë të elektoratit, duke përfituar kështu nga përçarjet dhe mosbesimi që u krijua pas vitit 2020. A mund të jetë kjo pjesë e një loje të madhe politike për të kontrolluar zgjedhjet dhe për të devijuar vullnetin e popullit? Apo ka forca të fuqishme në prapaskenë që po luajnë me statistikat për të formësuar rezultatin e zgjedhjeve?
Grafiku ilustron një ndryshim dramatik në numrin e votave për demokratët dhe republikanët në zgjedhjet e viteve 2012, 2016, 2020 dhe 2024. Ndryshimi i madh në 2020, i ndjekur nga një rënie e votave në 2024, nuk është një anomali e thjeshtë. Për disa, ky fenomen duket më shumë si një skenar i paramenduar për të manipuluar opinionin publik dhe për të fituar kontroll mbi procesin zgjedhor.
A është ky një tregues i qartë se zgjedhjet amerikane po bëhen gjithnjë e më shumë një lojë e manipulimit të masave, në të cilën elitat e fuqishme mbajnë në dorë fatin e votuesve? Apo thjesht një rastësi, një “përthyerje statistikore” që nuk duhet të shqetësojë njeri? Pyetjet që ngrihen janë të shumta dhe përtej asaj që duket në sipërfaqe.
Në një epokë ku mediat sociale dhe platformat e reja të komunikimit po përdoren gjithnjë e më shumë për të kontrolluar rrjedhën e informacionit, është bërë më e vështirë të besosh në pastërtinë e procesit demokratik. Misteri i 20 milionë votave të “zhdukura” mbetet i hapur dhe lë vend për teoritë më të çuditshme mbi atë që mund të fshihet pas skenave të politikës amerikane. A do të zbulohet ndonjëherë e vërteta e plotë? Apo është ky vetëm fillimi i një loje të madhe okulte?/aktualitet.al