Një ngjarje tragjike ka tronditur Kukësin, ku një e re 26-vjeçare është gjetur e pajetë në kanalin e hidrocentralit të Orgjostit.
Trupi i pajetë i të ndjerës, e identifikuar me inicialet M.O., banuese në fshatin Kosharisht, u gjet pas raportimit të zhdukjes nga familjarët më 16 dhjetor. Sipas raportimeve, ekspertiza mjekoligjore nuk ka evidentuar shenja dhune apo dëmtime në trupin e viktimës, duke ngritur dyshime për një akt vetëvrasjeje.
Ngjarja u njoftua në polici nga të afërmit, të cilët deklaruan se kishin humbur kontaktet me 26-vjeçaren një ditë më parë. Materialet hetimore tashmë i janë dorëzuar Prokurorisë së Kukësit për veprime të mëtejshme.
Kjo ngjarje e rëndë ka tronditur komunitetin, ndërsa autoritetet po vijojnë hetimet për të zbuluar shkaqet dhe rrethanat e kësaj humbjeje tragjike.