Një ngjarje e rëndë ka tronditur sot Tiranën, ku një i ri 25-vjeçar është gjetur i vetëvarur në një pemë pranë Liqenit të Farkës. Sipas informacioneve nga Policia e Shtetit, i riu ishte raportuar i humbur nga familja e tij që prej disa ditësh.
Policia bëri të ditur se viktima, shtetasi K.H., 25 vjeç, ishte raportuar i zhdukur më 19 janar 2025. Pas kërkimeve disa ditore, ai është gjetur pa shenja jete. Nga këqyrja paraprake nuk janë konstatuar shenja dhune në trupin e tij, dhe ngjarja po hetohet për të zbardhur rrethanat e plota.
Hetimet në vijim
Grupi hetimor po vijon të mbledhë prova dhe dëshmi për të sqaruar detajet që çuan në këtë tragjedi. Megjithatë, ende nuk janë bërë të ditura detaje të tjera lidhur me arsyet që mund të kenë çuar të riun drejt këtij akti fatal.