Milani ka përmbyllur një afat kalimtar dimëror tejet aktiv, duke sjellë katër përforcime në ditën e fundit të merkatos dhe duke bërë ndryshime të rëndësishme në skuadër.
Përforcimet e Milanit
Kuqezinjtë kishin siguruar më parë Kyle Walker nga Manchester City, i cili ka debutuar menjëherë në derbin ndaj Interit. Por emocionet më të mëdha erdhën në orët e fundit të merkatos.
Të ardhurit e rinj
- Santiago Gimenez – Sulmuesi nga Feyenoord, kushtoi 35 milionë euro dhe pritet të jetë një shtyllë e ofensivës së Milanit për vitet në vijim.
- Warren Bondo – Mesfushor qendror i marrë nga Monza për 10 milionë euro.
- Riccardo Sottil – Anësor i ardhur nga Fiorentina në huazim me opsion blerjeje.
- Joao Felix – Ylli portugez vjen në huazim nga Chelsea, por pa opsion blerjeje. Nëse impresionon, Milan dhe Chelsea do të diskutojnë blerjen e tij në verë.
Largimet kryesore
Në të njëjtën kohë, Milani ka bërë disa largime të rëndësishme:
- Ismael Bennacer – Kaloi te Marseille.
- Davide Calabria – U bashkua me Bologna.
- Noah Okafor – Firmosi me Napolin.
- Kevin Zeroli – U transferua te Monza.
Me pesë përforcime të mëdha dhe disa largime strategjike, Milani ka transformuar skuadrën e tij në këtë merkato, duke rritur opsionet për pjesën e mbetur të sezonit.