Në një nga konferencat më të pazakonta për shtyp, Sali Berisha solli me vete një buf dekorativ dhe e vendosi mbi tavolinë përpara gazetarëve, si përgjigje ndaj epitetit me të cilin Edi Rama e ka etiketuar shpesh në publik.
“Bufi është simbol i mençurisë, jo fyerje. Kjo nuk është dhuratë për Ramën, por dëshmi e injorancës së tij kulturore,” deklaroi Berisha, duke kritikuar gjuhën e përdorur nga kryeministri.
Ai shtoi se bufët janë të lidhur me diturinë dhe vendimin e drejtë, jo me ofendimin. “Nëse Rama më quan buf, atëherë më ka bërë një nder,” ironizoi lideri i opozitës.
Berisha ka përdorur këtë gjest për të theksuar mungesën e kulturës dhe thellësinë e retorikës politike të Edi Ramës, ndërkohë që akuzat dhe replikat mes të dyve vijojnë të jenë gjithnjë më personale dhe simbolike.