Zikaltrit Marrin Fitore Historike Në Mynih
Interi ka bërë një hap të madh drejt gjysmëfinales së Ligës së Kampionëve pas një fitoreje mbresëlënëse 1-2 në fushën e Bayern Munchen. Edhe pse bavarezët dominuan me raste të shumta shënimi nga Michel Olise, Harry Kane dhe Raphael Guerreiro, portieri Yan Sommer ishte vendimtar me pritjet e tij.
Goli i parë erdhi në minutën e 38-të, pas një aksioni spektakolar të zikaltërve. Marcus Thuram asistoi për Lautaro Martinez, i cili realizoi me një goditje të bukur me të jashtmen për rezultatin 0-1.
Muller Barazon, Por Frattesi Godet Sërish
Në pjesën e dytë, Bayerni shtoi presionin, duke kërkuar me ngulm barazimin. Ai erdhi në minutën e 84-të me anë të Thomas Muller, pas një asisti të bukur nga Konrad Laimer.
Por vetëm pesë minuta më pas, Interi reagoi në mënyrë të shpejtë. Një kundërsulm i shpejtë u finalizua nga Davide Frattesi, i cili realizoi për 1-2 pas një pasimi nga Carlos Augusto. Kjo fitore i jep Interit një avantazh të çmuar për ndeshjen e kthimit në Milano.
Arsenali Shkëlqen Në “Emirates” Dhe Shkatërron Realin
Në ndeshjen tjetër çerekfinale, Arsenali shfaqi një dominim absolut ndaj Real Madridit. Në stadiumin “Emirates”, topçinjtë fituan me rezultatin e thellë 3-0, duke i dhënë një goditje të rëndë skuadrës madrilene.
Fitorja i afron londinezët ndjeshëm me kualifikimin për në gjysmëfinale dhe rrit besimin për një sukses historik në këtë edicion të Champions League.