Një ngjarje tronditëse ka ndodhur në qytetin e Shkodrës mëngjesin e 2 majit 2025, ku një turist dyshohet se ka qëlluar për vdekje bashkëshorten e tij dhe më pas ka kryer vetëvrasje.
Sipas burimeve paraprake, krimi i rëndë ndodhi në zonën e njohur si “Gjuhadol”, në afërsi të Pedonales, një nga pikat më të frekuentuara nga turistët dhe banorët lokalë.
Ende nuk dihen arsyet që çuan në këtë akt ekstrem, ndërsa policia dhe grupi hetimor ndodhen në vendngjarje dhe po punojnë për të zbardhur rrethanat. Pamjet nga hoteli ku ndodhi krimi janë marrë tashmë në administrim nga hetuesit.
Ngjarja ka tronditur opinionin publik, sidomos për faktin se viktima dhe autori ishin në një udhëtim turistik dhe nuk ishin evidentuar më parë për konflikte apo sjellje të dhunshme.
Ky është rasti i radhës që e vendos Shkodrën në faqet e para të kronikës së zezë, pas disa javësh të ngarkuara me incidente të tjera kriminale.
Lajmi është në përditësim dhe priten detaje zyrtare nga autoritetet në orët në vijim.