Tendenca Globalisht e Qëndrueshme që po Formëson të Ardhmen e Punës
Një analizë e fundit nga Instituti Gjerman i Ekonomisë (ifo) zbulon se Gjermania është ndër vendet kampione të punës nga shtëpia, duke u renditur menjëherë pas Finlandës në Europë dhe krahas Kanadasë, Britanisë së Madhe dhe SHBA-së në nivel global.
Sipas të dhënave, gjermanët punojnë mesatarisht 1.6 ditë në javë nga shtëpia, krahasuar me mesataren globale prej 1.2 ditësh. Finlandezët kryesojnë në Europë me 1.7 ditë, ndërsa rekordin e mban Kanadaja me 1.9 ditë në javë.
Kush E Preferon Më Shumë Punën Nga Shtëpia? Prindërit, veçanërisht nënat me fëmijë të vegjël, janë grupi që më së shumti preferon të ndajë javën midis zyrës dhe shtëpisë. Gratë me fëmijë kanë një prirje dukshëm më të lartë për të punuar nga shtëpia në krahasim me gratë pa fëmijë.
Në shumicën e vendeve të analizuar, nuk ka dallime të mëdha gjinore, megjithatë dëshira për fleksibilitet mbetet më e theksuar tek familjet me fëmijë.
Vendet Me Nivelin Më Të Ulët Të Punës Nga Shtëpia Ndryshe nga vendet perëndimore, Korea e Jugut (0.5 ditë), Greqia dhe Kina (0.6 ditë) janë ndër vendet me normat më të ulëta të punës nga distanca.
Sipas studiuesit Mathias Dolls, pavarësisht rasteve të izoluara të kompanive që kërkojnë rikthimin në zyra, trendi i punës nga shtëpia mbetet i qëndrueshëm që prej vitit 2023, duke u shndërruar në një standard të ri global për punonjësit me arsim universitar.