Goditje Ndërkombëtare Ndaj Krimit – Emri I Njohur I Botës së Errët Shqiptare Në Shënjestër
Në kuadër të operacionit ndërkombëtar të koduar “Ura”, autoritetet shqiptare kanë lëshuar një urdhër-arrest për Ervis Doçin, i njohur edhe me nofkën “Visi i Pojës”, një emër i përfolur i botës së krimit në Shqipëri.
Operacioni, i cili po zhvillohet njëkohësisht në Shqipëri dhe Itali, ka në fokus goditjen e trafikut të lëndëve narkotike, pastrimit të parave dhe shpërdorimit të detyrës. Deri më tani, janë arrestuar tre persona në Fier, Vlorë dhe Durrës, përfshirë administratorin e një shoqërie transporti autobusësh, i dyshuar për bashkëpunim në këtë rrjet kriminal.
Për Ervis Doçin, autoritetet nuk kanë bërë të ditura detaje mbi vendndodhjen e tij, por hetimet janë në vijim dhe ai pritet të shpallet në kërkim ndërkombëtar, nëse nuk ndalohet në vijim të operacionit.