SPAK Zbulon Shkelje Në Procedurën E ARRSH: Dokumente Të Falsifikuara, Favorizim Operatorësh Privatë, 14 Të Pandehur
GJKKO ka vendosur masën e pezullimit nga detyra për Jonaid Myzyrin, kreun e Komisionit të Prokurimeve Publike (KKP), pas kërkesës së SPAK për favorizim në një tender 2.2 milion euro.
Në qendër të hetimeve është procedura e prokurimit me nr. REF-65268-07-13-2020, zhvilluar më 18 shtator 2020, për mirëmbajtjen e rrugëve në zonën Rrëshen–Shpal–Reps, me fond limit 219.866.693 lekë pa TVSH.
Sipas SPAK, autoriteti kontraktor ARRSH ka zhvilluar një procedurë të parregullt, të cilën KKP nën drejtimin e Myzyrit nuk e ka anuluar, por përkundrazi ka favorizuar në mënyrë të paligjshme bashkimin e operatorëve A.M. dhe D.-1., të cilët rezultojnë se kanë paraqitur dokumente të falsifikuara.
Vendimi i GJKKO
Me vendimin nr. 61, datë 30.06.2025, Gjykata e Posaçme caktoi:
- Pezullimin nga detyra të Jonaid Myzyrit, sipas nenit 242 të Kodit të Procedurës Penale.
- Masë sigurie “Detyrim për t’u paraqitur në Policinë Gjyqësore”, sipas nenit 234 të KPP.
Myzyri është marrë i pandehur për veprën penale “Shkelje e barazisë së pjesëmarrësve në tendera”, kryer në bashkëpunim (nenet 258 dhe 25 të Kodit Penal).
Lista e Të Pandehurve
Për këtë aferë janë marrë të pandehur edhe:
- Vilma Zhupaj
- Lindita Skeja
- Merita Zeqaj
- Enkelejda Bega
- Vladimir Hodaj
- Marjana Hasani
- Mehdi Lala
- Ardian Kaza
- Ndoc Kulla
- Gerald Adhiaj
Të gjithë për veprën “Shkelje e barazisë në tendera”.
Ndërsa shtetasit:
- M.L.
- N.K.
- A.K.
janë të dyshuar për “Falsifikim i vulave, stampave ose formularëve”, parashikuar nga neni 190 i Kodit Penal.