Pas golit historik që i dha Shqipërisë fitoren 1–0 ndaj Serbisë në Leskovc, në ndeshjen kualifikuese për Kupën e Botës 2026, Rey Manaj është kthyer në një simbol të krenarisë kombëtare.
Në Mitrovicë, në shenjë falënderimi dhe respekti, është realizuar një mural monumental dedikuar sulmuesit shqiptar, që me goditjen e tij të jashtëzakonshme vulosi një nga fitoret më të rëndësishme në historinë e futbollit shqiptar.
Muralja e krijuar në qytetin verior e paraqet Manajn duke bërë simbolin e shqiponjës dykrenare pas golit të shënuar në stadiumin e Leskovcit – moment që ndezi emocionet e miliona shqiptarëve në mbarë botën.
Pas këtij suksesi, Manaj është përjetësuar si hero kombëtar, ndërsa tifozët kuqezi kanë vërshuar rrjetet sociale me urime, duke e quajtur “djalin që bashkoi kombin në një gol”.