Një aksident është regjistruar pasditen e sotme në bulevardin “Skënderbeu” në Shkodër, ku një automjet është përplasur me një motomjet, duke lënë të plagosur një 19-vjeçar.
Sipas njoftimit paraprak, automjeti me drejtuese shtetasen A. H., 40 vjeçe, është përplasur me motomjetin që drejtohej nga E. L., 19 vjeç. Për pasojë, i riu është dërguar menjëherë në Spitalin Rajonal Shkodër, ku ndodhet jashtë rrezikut për jetën.
Policia lokale njofton se grupi hetimor po punon për zbardhjen e plotë të rrethanave që çuan në aksidentin e pasdites.
Ngjarja ka ndodhur rreth orës 16:40, dhe dyshohet se shpejtësia dhe mungesa e kujdesit gjatë kalimit në bulevard kanë qenë ndër faktorët kryesorë të përplasjes.