Kryetari i grupit parlamentar të Partisë Demokratike, , ka hedhur akuza të rënda për presion mbi , lidhur me vendimin për pezullimin nga detyra të zëvendëskryeministres Belinda Balluku.
I ftuar në emisionin “Studio 24”, Bardhi deklaroi se në votimin e parë të Gjykatës Kushtetuese për vendimin e , që kishte pranuar kërkesën e për pezullimin e Ballukut, rezultati kishte qenë 4 vota pro dhe 4 kundër. Sipas tij, ky barazim votash do të thoshte që vendimi i SPAK-ut mbetej në fuqi dhe Balluku duhej të vijonte e pezulluar nga detyra.
Por, sipas Bardhit, situata ka marrë një kthesë të pazakontë. Ai tha se një nga anëtarët e trupës gjykuese ka kërkuar rivotim, duke argumentuar se kishte “rivlerësuar” qëndrimin e saj dhe dëshironte të votonte ndryshe.
“Gjykata Kushtetuese ka votuar njëherë dhe rezultati ka qenë 4 me 4, që do të thotë se vendimi i SPAK-ut qëndronte në fuqi dhe Balluku vijonte e pezulluar. Më pas, një nga gjyqtarët ka kërkuar që çështja të hidhej sërish në votim, sepse kishte ndryshuar mendim dhe donte të votonte ndryshe. Kjo nuk ka ndodhur kurrë më parë”, u shpreh Bardhi.
Sipas tij, ky veprim përbën një shenjë të qartë dhe serioze presioni mbi Gjykatën Kushtetuese. “Unë e marr këtë si një sinjal shumë të fortë se ndaj Gjykatës Kushtetuese po ushtrohet presion. Një gjyqtar nuk e ndryshon votën pasi ka votuar, kjo është e paprecedentë”, theksoi ai.
Bardhi shtoi se ka vlerësuar publikisht punën e SPAK-ut dhe guximin e prokurorëve në çështjen e Ballukut, duke nënvizuar se zhvillimet në Gjykatën Kushtetuese e forcojnë bindjen e opozitës se drejtësia po përballet me ndërhyrje politike.
Deklaratat e Bardhit vijnë në një moment tensioni të lartë institucional, ku vendimet e drejtësisë, roli i Gjykatës Kushtetuese dhe raporti i saj me pushtetin politik janë kthyer në qendër të debatit publik dhe përplasjes mes mazhorancës dhe opozitës.