Gjykata e Lezhës ka shpallur vendimin përfundimtar për çështjen e kultivimit të bimëve narkotike në zonën e Kashnjetit, duke dënuar në total me 17 vite e 8 muaj burg tre persona të marrë të pandehur për aktivitet kriminal të organizuar.
Sipas vendimit të gjykatës, , vëllai i ish-deputetit të Partisë Socialiste , është dënuar me 4 vite e 4 muaj burg. Ai u gjet fajtor për përfshirjen në veprimtarinë e paligjshme të kultivimit të bimëve narkotike në ambientet e një stani të përshtatur për këtë qëllim.
Ndërkohë, dy të pandehurit e tjerë, dhe , u dënuan secili me nga 6 vite e 8 muaj burg. Gjykata i shpalli fajtorë për veprat penale të “Kultivimit të bimëve narkotike”, “Prodhimit dhe shitjes së narkotikëve”, si dhe “Vjedhjes së energjisë elektrike ose impulseve telefonike”, pasi aktiviteti kriminal rezultoi se furnizohej në mënyrë të paligjshme me energji elektrike.
Hetimet dhe gjykimi zbuluan se stani në zonën e Kashnjetit ishte përshtatur enkas për kultivimin e kanabisit, duke u shndërruar në një strukturë të mirëorganizuar, e cila funksiononte prej një kohe të gjatë pa u konstatuar nga autoritetet. Prokuroria provoi se të pandehurit kishin role të ndara dhe bashkëpunonin ngushtë për sigurimin e kushteve teknike dhe logjistike të aktivitetit kriminal.
Vendimi i Gjykatës së Lezhës konsiderohet një nga dënimet më të rënda të dhëna së fundmi për raste të kultivimit të narkotikëve në zonat rurale të veriut të vendit, duke sinjalizuar një qëndrim më të ashpër të drejtësisë ndaj veprimtarive të tilla të paligjshme.