Qindra banorë të kanë rrethuar mbrëmjen e sotme , aty ku Bashkia kishte organizuar një aktivitet festiv për fundvitin, ndërsa qyteti prej katër ditësh përballet me mungesë totale të ujit të pijshëm.
Të revoltuar nga situata, protestuesit — mes të cilëve edhe përfaqësues të partive opozitare — kanë shpërthyer portat e godinës dhe janë futur brenda sallës, duke ndërprerë aktivitetin. Thirrjet “Duam ujë” dhe “Poshtë qeveria” kanë dominuar ambientin, ndërsa tensioni është rritur ndjeshëm.
Banorët kanë pushtuar sallën dhe kanë kërkuar me ngulm që kryetarja e bashkisë të dalë për t’u përballur me ta dhe për të dhënë shpjegime mbi krizën e ujit që ka paralizuar jetën e përditshme në qytet. Sipas protestuesve, mungesa e ujit është kthyer në një problem jetik, ndërkohë që institucionet vendore po zhvillojnë aktivitete festive pa dhënë zgjidhje konkrete.
Protesta në Teatrin “Petro Marko” shënon një përshkallëzim të fortë të pakënaqësisë qytetare në Vlorë, duke e kthyer krizën e ujit në një shpërthim të hapur kundër qeverisjes vendore dhe qendrore. Situata mbetet e tensionuar, ndërsa qytetarët paralajmërojnë vijim të reagimit nëse problemi nuk zgjidhet menjëherë.