Ambasada e Shteteve të Bashkuara të Amerikës në Tiranë ka reaguar zyrtarisht pas kapjes së presidentit venezuelian , duke shpërndarë një mesazh të presidentit amerikan lidhur me zhvillimet e fundit në Venezuelë.
Në deklaratën e publikuar nga , presidenti Trump thekson se Shtetet e Bashkuara do të angazhohen për të garantuar një drejtim të ri për Venezuelën, duke vënë theksin te stabiliteti institucional dhe rindërtimi ekonomik i vendit.
Sipas mesazhit, një nga prioritetet kryesore të SHBA-ve do të jetë rindërtimi i infrastrukturës së naftës, sektor kyç për ekonominë venezueliane, e cila prej vitesh ndodhet në kolaps të thellë. Trump shprehet se Uashingtoni do të sigurohet që burimet strategjike të Venezuelës të administrohen “siç duhet”, pas një periudhe të gjatë keqmenaxhimi.
Në të njëjtën deklaratë, presidenti amerikan nënvizon edhe dimensionin humanitar të krizës, duke deklaruar se SHBA do të kujdeset për qytetarët venezuelianë të detyruar të largohen nga vendi gjatë regjimit të Maduros.
“Do të sigurohemi që Venezuela të drejtohet siç duhet. Do të rindërtojmë infrastrukturën e naftës dhe do të kujdesemi për njerëzit që u detyruan të largoheshin nga vendi nga ky bandit,” citohet të ketë thënë Presidenti i Shteteve të Bashkuara, Donald J. Trump.
Reagimi i ambasadës amerikane në Tiranë vjen në një moment kur situata në Venezuelë po hyn në një fazë të re politike dhe gjeopolitike, ndërsa komuniteti ndërkombëtar po ndjek me vëmendje pasojat që priten pas kapjes së Maduros dhe ndryshimeve të mundshme në drejtimin e vendit.