Sekuestrohen mbi 8 milionë euro nga mashtrime në Berat dhe qytete të tjera

0

Autoritetet në Berat kanë sekuestruar pasuri me vlerë mbi 8 milionë euro të përfituara nga veprimtari mashtruese nga dy shtetas me inicialet A.L. dhe A.Ç. Të dy janë nën hetim për veprën penale të “Mashtrimit,” pasi dyshohet se kanë mashtruar dhjetëra qytetarë në disa qytete të vendit.

Pasuritë e sekuestruara përfshijnë shuma të konsiderueshme në llogari bankare dhe prona të paluajtshme:

  • 668,290,299.4 Lekë
  • 1,110,392.37 Euro
  • 224,470.28 USD

Gjithashtu, janë konfiskuar dhjetë pasuri të paluajtshme në Tiranë, Vlorë dhe Berat.

Sipas hetimeve, të dy të pandehurit vepronin në bashkëpunim për të mashtruar qytetarë duke përfituar shuma të mëdha parash në lekë dhe valutë të huaj. Sekuestrimi është kryer me kërkesë të Prokurorisë dhe miratim të Gjykatës së Beratit.

Autoritetet vijojnë hetimet për zbardhjen e plotë të skemës së mashtrimit dhe për identifikimin e personave të tjerë të përfshirë në këtë veprimtari kriminale.

Artikulli i mëparshëmKorrupsion në zgjedhje: Kryebashkiaku Edison Memolla dënohet me 1 vit burg dhe ndalohet nga funksionet publike
Artikulli i radhësArben Ahmetaj paralajmëron “bomba” për qeverinë Rama: Intervista e tretë e tij të hënën