Mësohet se trupi i Fortlumturisë së Tij, Kryepeshkopit Anastas, do të prehet në Shqipëri, duke ndjekur amanetin e tij dhe traditën e Kishës Autoqefale Orthodhokse, që kryepeshkopët të prehen në vendin ku kanë shërbyer dhe jo në vendin e lindjes.
Ky vendim nderon dekadat e shërbimit të tij në Shqipëri, ku ai u përkushtua për ringritjen e Kishës Orthodhokse pas periudhës së errësirës ateiste.
Megjithatë, pritet që Sinodi i Shenjtë të mbajë një mbledhje për të përcaktuar detajet e ceremonisë mortore dhe për të marrë vendimet e duhura lidhur me këtë ngjarje të rëndësishme.
Një trashëgimi e përjetshme
Kryepeshkopi Anastas la pas një trashëgimi të jashtëzakonshme, duke ndërtuar qindra kisha, duke promovuar dialogun ndërfetar dhe duke mbajtur të bashkuar komunitetin orthodhoks në periudha të vështira. Përkushtimi i tij për Shqipërinë mbetet një shembull frymëzues për brezat e ardhshëm.